Patxi Zabaleta

Bakearen alde eta gerraren kontra egonda, sufritzen dutenak ditugu lehenik gogoan, eta haientzat da eta izan behar du gure elkartasunak. Hiltzen, zaurituak izaten, sufritzen eta etxerik, hiririk eta gizarterik gabe gelditzen eta ihes egiten ari diren ukrainarrak dira giza elkartasuna merezi eta behar dutenak. Bai, egia da eta badakit yemendarrak, siriarrak, libiarrak eta beste hainbeste eta hainbeste hor daudela, baina beti bezala azkenekoak ditugu orain gertuen eta hurbilen ikusten.

Vladimir Putin jauna! Geldi ezak gerra hori! Eten ezak erasoa! Buka ezak txikizio ikaragarri eta samin hori berehala! Hori duk eskatzen, aldarrikatzen eta exijitzen diadana eta diaguna. Soilik eta bakarrik giza eskubideen eta zibilizazioaren eta etorkizunaren izenean mintzatzen gaituk, baina bakezale izan nahi diagun eta izan nahiko genukeen guztiok oharpen eta madarikapen hau egin nahi dizuegu: okerrago izanen duk errusiarrentzat gerra hau irabazten baduzue!

Jakin, badakit eta badakigu Putinek ez duela mezu hau ezagutuko, eta, ezagutuko balu ere, ez lukeela aintzat hartuko. Aurrera jarraituko du konkistarekin, horretarako hiriak, etxeak, ondasunak eta batez ere, batez ere pertsonak eta bizimoduak suntsitu beharko baditu ere. Tamala! Ikaragarria!

Izan ere, Ukrainako gerra gurea ere bada; Yemengoa, Siriakoa, Libiakoa eta Afganistangoa eta beste hainbeste ere gureak baziren eta badiren bezalaxe. Denoi dagozkigu, klima aldaketa edo poloen berotzea dagokigun bezalaxe.

Gakoa da Putinek ez duela gerra militarra galduko; aitzitik, irabazi eginen du segur aski. Eta gainera, ez du gerra ekonomikoa ere galduko; hori ere segur aski irabazi eginen baitu. Baina, nire ustez, Putinek galdu lezakeen eta galduko duen gerra bakarra gerra ideologikoa da. Soilik gerra ideologikoa.

Gerra ideologikoa bakezaletasunak eta bakezaletasunetik irabaziko diote Putini. Horregatik, Ukrainako gerran lehialari onenak —gudariak ez esate arren— Errusian bertan ari dira izaten. Han ari dira gertatzen atxilotu, jazartu eta epaitu gehien-gehienak; gerraren aurka borrokatzen diren bakezale errusiarrak, alegia.

Ez da inolaz ere NATO erakundea bakea ekarriko duena; orain, gainera, NATOren baliorik eza agerian gelditzen ari da. Hego Euskal Herriak ezezkoa eman zion, izan dugun azken erreferendumean; eta horri errespetua zor zaio herri honen baitan.
Bakezaletasunak koherentea eta orokorra izan behar du, ordea, borroka ideologikoak irabaztekotan. Gerrako garaiak dira, eta alde batetik zailenak bazaizkigu ere, beste aldetik emankorrenak gerta litezke. Koherentziaren izenean galdetu beharra dago, non daude orain indarkeria guztiak, edonondik datozela ere, gaitzetsi egin behar direla esaten zuten haiek?

Eta zer pentsatzen dute misilen eta tanke ultramodernoen aurka granadak eta metrailetak bidaltzen dituztenek, bakearen eskakizunen aurrean?
Asko eta asko dira gure artean pentsatzen eta idazten ari direnak ukrainarrek defendatzeko eskubidea daukatela. Aipatu dituzte eraso injustuaren eta gerra justuaren aspaldiko teoriak.

Errespetagarriak dira hein batean haien iritziak —nola ez?—, baina aztertu dezadan Intifadan hildako mutiko eta neskatoen historia samingarria. Palestinako herriak defendatzeko duen eskubidea ezin da ukatu, baina tankeen kontra harriak botatzera joan ziren eta erailak gertatu ziren ume haien erantzukizuna lehenik hiltzaileei dagokie, eta bigarrenik hiltzera bidali, txalotu edo joaten utzi zietenei.

Esan bezala, gainera, koherentea ez ezik, bakezaletasunak orokorra izan behar du sinesgarria izatekotan, eta NATOren aldeko jarrerak edo industria militarraren aldeko aldarrikapenek orokortasun hori kentzen diote. Gaur egun armetan egin litezkeen inbertsioek ez dute Ukrainako gerrarako ezer balio, eta ez diete erasoak izaten ari direnei batere laguntzen; eta, horregatik, arma industrien ugazabentzat diru-laguntzak besterik ez dira.
Europak eta europarrok munduari eta gizateriari giza eskubideen, demokraziaren eta bakezaletasunaren mezua lehenetsi behar diogu, eta Europaren barruan Errusiako eta Ukrainako gizarteak ere egon behar dutela pentsatu behar dugu. Nola irudikatu San Petersburgo gabeko Europa bat? Ezinekoa da, ezinezkoa den bezala Bartzelona gabeko Europa.

Ukrainako gure gerra honek ondorio asko eta anitzak eragingo eta utziko dituela ez dago zalantzarik. Batzuk ekonomikoak izanen dira; besteak sozialak; besteak politikoak; eta segur aski luzarora garrantzitsuenak, ideologikoak.
Ezin da ahaztu gerra honek badaukala muga bat, aldi berean mehatxua dena; zeharka bada ere, behin eta berriro aipatzen den arrisku nuklearra alegia. Gizateriak bere buruaz beste egin dezake, eta ez bakarrik eztanda nuklearren bitartez, baizik baita ere eztanda ekologiko geldoaren edo eztanda sozial bortxazkoaren bitartez. Eta, gainera, gizateriak autosuntsitze hori egiteko gai izateari distentsioa bezalako eufemismoak jarri dizkio; baina beldurra hor dago, subkontzientean bada ere.

Zeinen zaila baina zeinen itxaropentsua den bakezaletasuna, batez ere gerra anker eta saminaren garaietan!
Berria

Pacifismo en tiempos de guerra

Patxi zabaleta

Las primeras personas que tenemos que tener en cuenta estando a favor de la paz y en contra de la guerra son las que sufren y nuestra solidaridad tiene que ser para ellas. Quienes están muriendo siendo heridos, sufriendo y quedándose sin casa, sin ciudad y sin sociedad son los ucranianos y ucranianas, y ellos merecen la solidaridad humana. Es verdad que ahí siguen los yemeníes y las y los de Siria, Libia, Palestina y tantas y tanto otros; pero, como siempre, son los últimos y últimas las que vemos más cerca.

Señor Vladimir Putin, ¡para esta guerra! ¡Detén los ataques y las dolorosas destrucciones! Eso es lo que te pedimos, revindicamos y exigimos. Solamente lo podemos hacer en base a los derechos humanos, a la civilización y al porvenir, pero lo formulamos desde el deseo y la voluntad del pacifismo y con la expresión de una advertencia: para la ciudadanía rusa sería peor ganar esta guerra.

Sabemos muy bien que Putin no llegara a conocer este mensaje, y que si lo hiciese, no lo tomaría en consideración. Seguirá adelante con su conquista aunque ello implique destruir ciudades, casas y bienes, y, sobre todo, personas y vidas. ¡Desgracia de nuestros tiempos!

Porque la guerra de Ucrania también es una guerra nuestra; igual que lo fueron y lo son las guerras de Yemen, Siria, Libia, Afganistán y tantas otras. A todos nos atañen igual que el cambio climático o el calentamiento de los polos.

Pero la cuestión es que Putin no va a perder esta guerra; por el contrario, seguramente la ganara. Y, además, tampoco perderá la guerra económica; seguramente también la ganara. Pero a mi parecer, la única guerra que podría perder y que perderá Putin es la ideológica. Solamente la guerra ideológica.

Es desde el pacifismo y por el pacifismo como se le ganará a Putin. Por ello, los mejores luchadores en la guerra de Ucrania –por no llamarles soldados– están actuando en la propia Rusia. Es allí donde hay más detenidas, perseguidos y juzgados; o sea, las y los pacifistas rusos.

No es la organización OTAN la que traerá la paz; además, ahora más que nunca está quedando en evidencia la falta de validez de la OTAN. El sur de Euskal Herria, los cuatro territorios, ya le dimos un rotundo NO en el último referéndum; y eso es algo que debería ser recordado y respetado en el marco de este pueblo.

No obstante, el pacifismo, para ser efectivo y ganar las luchas ideológicas, debe pretender ser coherente y general. Son los tiempos de la guerra los que por un lado resultan más difíciles y los que por otro lado podrían ser también los más fructíferos para el pacifismo. Debemos preguntarnos, en nombre del pacifismo, dónde se colocan ahora quienes tantas veces han condenado todas las violencias, vengan de donde vengan. Y tendríamos que interrogarnos sobre qué piensan quienes envían contra misiles y tanques ultramodernos y ante las reclamaciones de la paz granadas y metralletas.

Son muchas y muchos quienes nos recuerdan que las ciudadanas y ciudadanos de Ucrania tienen derecho a defenderse. Han sacado a relucir las antiguas teorías contra los ataques y las guerras injustas. Son opiniones respetables –¿cómo no?– , pero analicemos y recordemos la dolorosa historia de los chavales muertos en la Intifada. No se puede negar el derecho a defenderse del pueblo de Palestina, pero la responsabilidad de la muerte de aquellos niños y niñas que se levantaron contra los tanques arrojándoles piedras corresponde, en primer lugar, a quienes los asesinaron, y en segundo lugar, a quienes los animaron, aplaudieron y dejaron marchar a una muerte segura.

El pacifismo, además de coherente, debe ser general, si se pretende que sea creíble, y las posturas a favor de la OTAN o las reivindicaciones de aumentar la industria militar contradicen esa generalidad.

Noticias de Navarra