Nabarmena

ETB: Euskalduntze Berantiarraren erasoa

Euskeraren Jatorria

07/03/2018

ETBk muzin egin dio orain urte eta erdi 31 lagunek egin zuten eskaerari: Euskalduntze Berantiarraren dokumentala (4. atala) kentzeari. Euskeraren Jatorria Elkarteak ere eskaera bera egin zion eta, horrez gain, Euskaltzaindia, Eusko Ikaskuntza eta EHUko historia irakaslerekin batekin hitz egin zuen eta haien lana egiteko eskatu zien, telebistak gezurrez betetako dokumental hori etengabe ematea iraingarria delako.

Aitzol Altunak historialariak Lehoinabarra blogean ere luze-zabal idatzi zuen eta behean berak argitaratutako liburua argitaratu du, gai honetan sakontzeko asmoz.

Zoritxarrez lortu dugun gauza bakarra kapitulu hasieran esaldi lauso bat jartzea izan da (ETBk ez duela zertan bat egin behar bertako edukiarekin) baina etengabe ematen badute, eta beste ikuspegia ematen ez badute, argi dago funtsik gabeko teoria hori goitik behera babesten ari direla.

Hemen kezkagarria ez da soilik ETBk horrelako gezur bat botatzera ausartu izana. Larriagoa dena da EHUk, Euskaltzaindiak eta Eusko Ikaskuntzak hori gelditu ez izana. Eta euskeraren inguruko gainerako erakundeak (izenak ez ditugu esango baina askotxo ditugu), gai honen inguruan isilik egotea.

Baina ohituta gaude. Iruña-Veleian gertatutako gauza bera dirudi. 2. kapitulua. Euskeraren altxor historiko handiena topatu duten arkeologo bi laster epaitzera doaz eta euskal “mundua”, salbuespenak salbuespen, isilik.

Baina Iruña-Veleiarekin egin dugun moduan, hemen ere ez gara isilduko. Euskeraren Jatorriak eta Biltzarreko Historia Sailak aurten hainbat ekimen burutuko dugu ETBk dokumental erasokor hori kentzeko:

Otsailak 27: Gutuna ETBko Administrazio Kontseilukideei ematea

Martxoak 17: Pagomakurretik Arrabarako txangoa: “Mendi altuenek euskal izena dute”

Apirila…

Eta zure laguntza eskatzen dugu. Hau ez litzateke Jatorriaren edo Biltzarreren Historia Sailak bakarrik izan behar. Denoi inplikatzen gaitu eta gainera, modu askotara lagundu daiteke: gaia zabaldu ezagunen artean, irakasle izanez gero ikasleekin gaia landu, zerbait idatzi, erreklamazioak idatzi, kanpaina honetarako ekarpen ekonomiko bat egin… Esan zer egiteko prest zauden. Hemen gaituzu: euskerarenjatorria@gmail.com

a) ETBren Euskalduntze berantiarra bideoak

Trailerra: 4 minutu

http://www.eitb.eus/eu/telebista/programak/baskoniako-historia-bat/bideoak/osoa/3459696/bideoa-euskararen-jatorriaren-hipotesiak-/

Dokumentala euskeraz:

http://www.eitb.tv/eu/bideoa/baskoniako-historia-bat/4472858537001/4473397331001/euskalduntze-berantiarra/

Dokumentala gazteleraz

https://www.youtube.com/watch?v=OD_4NafatqE

b) Hedabideetan nola jaso duten teoria hau: espainiazaleek txaloka

http://politica.elpais.com/politica/2015/09/22/actualidad/1442936658_416697.html

Artikulu hori erantzuteko gure elkarteak El Pais egunkariari bidalitako artikulua ez zuten argitaratu

http://euskararenjatorria.net/?p=22921&lang=es

Muy Interesante