‘Katalunia bidegurutzean‘ hitzaldi sorta emango du Salvador Cardus soziologoak datozen egunetan Euskal Herrian, Nabarralderen eskutik. Gaur, Donostian arituko da, 19:30ean, Koldo Mitxelena kulturunean. Bihar, ordu berean, Iruñean jardungo du, Condestable jauregiko Civivox aretoan. Bartzelonako Unibertsitate Autonomoko Zientzia Politiko eta Soziologia Fakultateko dekanoa da. Haren arabera, unea heldu zaio Kataluniari independentziarako aukera hartzeko.
