<\/p>\n
Gure herria, 1914-2014 ehun urteren atarian\u00a0 dabil, ikastola bizirik eta etengabe biziberritzen euskal hezkuntza nazionalaren bidea ibilian egiten… eta\u00a0 bide malkartsu horretan, ikastolaren espektatibei huts egiteak, frustrazioa eta ezintasuna probokatzen digu askotan. Horregatik nahi duguna lortzeko,\u00a0 giza aldaketa\u00a0 haundi bat lortzeko\u00a0 egiten denean bezala, egoera jakin batetik, amesten den beste batetarako bidean, indarrak bildu egin behar izaten dira. Nola?. Dauden frustrazioaz\u00a0 eta ezintasunaz jabetu eta ideia berrien inguruan itxaropena indartuz..<\/p>\n
Beraz, herritar guztiena eta guztientzat delako hezkuntza, herri honen gizarte zibiletik eta bere lidergotzatik amesten dugun horretan norabidea ipinita,\u00a0 nahia argi eduki, irudikatu, egoki adierazi,\u00a0 denon barnean gogo bizia eragin eta geuk eginez sortzea dagokigu. Horrela,\u00a0 estimulatuz eta aktibatuz lortuko ditugu, gizartean\u00a0 etengabe biziberritzeko ideien iturburu den kohesio soziala; jarrera konprometitu osasuntsuak; irudimena eta sormena indartzea; soluzio bereziak eta kostu gutxikoak behin eta berriz asmatzea, eta,\u00a0 herritarron arteko\u00a0 elkarlana,\u00a0 gozagarria eta eraginkorra\u00a0 izatea.<\/p>\n
Geure estatu propiorik ez daukagun bitartean, hori lortzeko azken\u00a0 ehun urteetan, eraikitzen ari garen euskal hezkuntza nazionalaren arkitektura propioaren zimendua, ikastola izan da eta da.<\/p>\n
Hori dela eta ezer baino lehen argitu nahi dugu, geure hezkuntzaz aritzeko ez dugula Wert-en beharrik. Ez lege aldrebesak egiten dituenean ez da ere onena egiten asmatuko balu ere, eta gainera euskaraz dakien jendeaz baliatzen\u00a0 bada ere. Onenean ere oztopoa da. Euskaldunona da erantzukizuna, herri hau izaten jarraitzeko transmisioa eta garapenerako den hezkuntza, gu\u00a0 euskaldun izaten jarraitzeko, geuk, subjektu izaeraz eskutik eramanez, geuretik, geure erreferentzi propioetatik egitea dagokigu. Hiru gu horietan biltzen da: gu, geuk, geuretik.<\/p>\n
Gainera\u00a0 horrela egiten ari garela lideratuz, zaintzea eta\u00a0 baieztatzea dagokie, gizarteak sortutako erakunde sozialetan ordezkaritza eman diegunei. Hau da, euskal gizarte zibilak juridikoki egituratuta, ehun urte hauetan, hezkuntza nazionala,\u00a0 titular bezala egituratuz, eskutik eramaten ari diren gurasoei.\u00a0 Ikastolak gabiltza, beste eremu batzuetan ari garen bezalaxe\u00a0 hezkuntza geure eskutik bermatzeko antolatuta, inposatutako egitura administratiboetatik at, besteak beste, geure hizkuntza bizirik eta bizi-berritzen aritzen diren euskaltzaindia eta gizartearen euskararen kontseilua, geure ondarea zaintzen duen Aranzadi, geure ekonomi sarea egiten duten kooperatibak, geure berriak argi zabaltzea bermatzeko euskal hedabide propioak, herriaren haria geuretik\u00a0 gogoan izan eta gogoko izatea indartzen laguntzen duen Nabarralde…<\/p>\n
Gure herriko hainbat\u00a0 erakundetan egon arren\u00a0 euskera erabiltzen duten pertsonak eta kontratatu dituzten profesional euskaldunak bai politikan, sindikalgintzan, hezkuntzan, ekonomian, kulturan eta hedabideetan,\u00a0 hala ere eremu guzti horietan\u00a0 sare propioak sortzen joan gara. Zertarako egon bazeuden beste batzuek sortu?. Zeudenak, beste estatu bati aitortzen diotelako\u00a0 subjektu politiko izaera eta beste nortasun batetan borobiltzen dutelako gutasuna. Euskaldunok objektu izanik estatu horientzat eta beraien arkitektura administratiboarentzat. Erabaki batzuek hartzeko baimena ematen digute bai, baina beti ere haien agindupean.\u00a0 Euskaldunon etxea okupatu eta jabe ginen horretan bertan maizter bihurtu gaituzte. Hori bai, batzutan hormak zer koloretan margotu erabakitzeko baimena ematen digute. Hori bai, baimendutakoa kentzeko ahalmena beraien esku geldituz beti.<\/p>\n
Horregatik, gure etxea konkistatu eta\u00a0 indar militarrez inbaditu\u00a0 eta hori gure gogotik ezabatu nahi arren, gure nortasunaren kontzientzia bizirik dugunez, antolatu ditugu beste hainbeste egitura sozial, politiko eta sindikal subjektu kontzientziatik euskal bidea eginez, subjektu politiko egoera berreskuratzeko independentzia bidea, ibiliz egiten dela ulertzen dugulako.<\/p>\n
Une honetako erronka ez da zerbaiten hasiera, bultzada indartsuago eta eraginkorrago egiteko gogoa eta kemena\u00a0 erakutsi nahi dugu. Burujabetza, burujabe arituz lortzen delako.\u00a0 Burujabetza, euskal estatuaren egituraz bermatzea lortu bitartean, egitea dagokigun euskal bidean, politikan, sindikalgintzan, ekonomian, kulturan eta hezkuntzan ere, lidergoa, gizarte zibilean egoteak garrantzi estrategikoa du, herri izaten jarraitzeko.<\/p>\n
Horregatik, ez dugu uste, gure aldetik indartsua denik gurea ez den estatuari aldarrikatzea gure hezkuntza.\u00a0 Geurea da\u00a0 erantzukizuna\u00a0 eta horren bermea geure subjektu izaeratik egitean dago. Herritar euskaldunok, auzolana juridikoki egituraturik, ehun urte hauetan\u00a0 geure hezkuntza nazionala gauzatzen ari garenean, ikastola izenarekin, eta aurretik, mendeetan zehar geure egituretatik bermatzen,\u00a0 orain, arriskutsua da lan guzti hori ikusezina bihurtu eta menpeko gauzkaten estatuei geure hezkuntza aldarrikatzean oinarritzea. Horrela egingo dugu burujabetzaren bidea?. Ez da gutxiagorik ere. Herri bati, erabakitzerakoan, subjektu politiko izaera berreskuratzeko bidetik egitea dagokio. Dena ez da berdin.<\/p>\n
Ulertzekoa da partidu eta sindikatu abertzaleen lehentasunak, modu jakinekoak izatea, sarritan ulergaitzak oinez gabiltzanontzat, oraindik inor ez garelako ari zelai propioan geuk erabakitako joku erregelak erabiliz jokatzen. Horrela bidea egitea zaila egiten zaigu guztioi eta elkarren aurka aritzea arerio ditugun estatuak indartzea bihurtzen zaigu beti. Argi dagoena da, gizarte zibilaren gainetik egiteak ez duela inoiz justifikaziorik izango, menpekotasuneko bidea delako. Burujabetzarekiko kontrabidea.<\/p>\n
Gure ibilbidean aldaketa garrantzitsua da,\u00a0 erakunde bateko eta besteko liderrak, elkarrekiko menpekotasun joeratik jauzia egitea. Denok norabide berberaren inguruan indarrak bilduz, inoren jarraitzaile izatetik aldenduz, eta norbere burujabetzatik, bidelagun bihurtuz norabide jakinean ibiltzea dagokigu. Guztiok bidegile\u00a0 eta bidelagun. Elkar-eragin inteligenteaz bakarrik lortuko dugu\u00a0 burujabetzarako euskal bidean eraginkortasunez aritzea.<\/p>\n
Ikastolaren alde, herritarrok,\u00a0 maiatzero Herri Urratsekin\u00a0 hasten garen martxa nazionalean, argi adierazten dugu, gu izaten jarraitzeko ari garela geuk eskutik eramanez eta geuretik, hezkuntza eremuan, euskal bidea, ibiliz egiten. Bizkaitik segituz\u00a0 Ibilaldia, Araba Euskaraz jarraituz, Gipuzkoan Kilometroak eginez eta hezkuntza nazionalaren bideari Oinez Nafarroa Garaian bukaera emanez.<\/p>\n
Bukatzeko bereziki eskertzen diogu -oinarriz estrategikoa delako- urtez urte, zailtasunak zailtasun, euskal etxera haur berria datorrenean, ikastolaren alde egiten duen amari. Baita ere, bidean\u00a0 umea sorbaldan hartuta\u00a0 daraman bikoteari. Herri honen etorkizuna, luzera begiratuz eta\u00a0 eguneroko ibilian egiten dela\u00a0 erakusten diotelako, eta bata eta bestea\u00a0 hezkuntzan konprometituz, seme-alaben euskalduntasuna eskutik eramanez herri honek izaten jarraitzea posible bihurtzen dutelako.<\/p>\n
Era berean, ikastolare\u00a0 alde egiten duten irakasleei, aukera errazagoen aurrean, bidelagun bihurtu zaizkigulako,\u00a0 ikasleari, euskalduntasunetik, bere garapen osoan, behin eta berriz aukerak sortu eta sortuz, subjektu izaeratik, zoriontasuna den jarioa bilatzen laguntzen dietelako.<\/p>\n
Eskerrak baita ere, herritar laguntzaile askori, auzolanean gurekin aritzeagatik eta Herri Urratsetik Nafarroa Oinezerarte bira nazionalean urte askotan, ozenki eta harro guztioi adierazteagatik: ikastolaren alde gaude, gora ikastolak!.\u00a0 Gu ere bai,\u00a0 atzo, gaur eta bihar, geurea delako. Gu, geuk, geuretik egina. Bejondeiola herri honi!.<\/p>\n
*Azpeitiko Ikastola, Ikasberriko bazkideak<\/p>\n","protected":false},"excerpt":{"rendered":"
Gure herria, 1914-2014 ehun urteren atarian\u00a0 dabil, ikastola bizirik eta etengabe biziberritzen euskal hezkuntza nazionalaren bidea ibilian egiten… eta\u00a0 bide malkartsu horretan, ikastolaren espektatibei huts egiteak, frustrazioa eta ezintasuna probokatzen digu askotan. Horregatik nahi duguna lortzeko,\u00a0 giza aldaketa\u00a0 haundi bat lortzeko\u00a0 egiten denean bezala, egoera jakin batetik, amesten den beste batetarako bidean, indarrak bildu egin […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-29337","post","type-post","status-publish","format-standard","hentry","category-egunekoa"],"yoast_head":"\n