<\/p>\n
Duela 500 urte burujabetza \u00ablapurtu\u00bb arren \u00abNafarroa, Euskal Herria bizirik dagoela\u00bb erakustera dei egin du<\/p>\n
Espainiak konkistatu egin zuen Nafarroa duela 500 urte, Espainiako historialariek oso bestelako bertsioa eman duten arren. Seguru dago horretaz 1512-2012 Nafarroa Bizirik mugimendua. Gertaera salatzeko, martxa bat antolatu du larunbaterako, Iru\u00f1ean. Egun osoko egitaraua prestatu du; tartean, Martxa Nazionala. <\/p>\n
\u00abKonkista eta ondorengo garaia gogorra izan zen, eta ez baketsua\u00bb, azaldu du aldarriaren zergatia azaltzeko. \u00abHorrek kontraesanean jartzen du ‘berdinen arteko hitzarmena’ izan zela dioen bertsioa\u00bb. Areago, Nafarroako eta Espainako erresumen bat egitea \u00abzoriontsua\u00bb izan zela dioen interpretazioa asmo txarrez egina dela dio, \u00abegungo Nafarroaren egoera legezkotzat jo nahi baitu\u00bb.<\/p>\n
Bost mendez \u00abkonkistatuta\u00bb egon direla sentitzen dute taldeko kideek. \u00abMenderatu nahi izan gaituzte; gure nortasuna lapurtzen eta zer izan garen ezkutatzen saiatu dira\u00bb, diote. Baina ezin dutela \u00abburutik kendu\u00bb duela 500 urte \u00ablapurtutako burujabetasuna\u00bb. Hori dela-eta, \u00abNafarroa, Euskal Herria bizirik dagoela egiaztatzeko\u00bb larunbatean egingo diren ekitaldietan parte hartzeko gonbita egin dute.<\/p>\n
\u00a0<\/p>\n
Nafarroaren konkistaren V. mendeurrena<\/p>\n Nafarroaren konkistaren inguruan eztabaidatu dute ‘Berria.info’ webgunean Floren Aoizek eta Mikel Sotok<\/p>\n \u00a0<\/p>\n Iragan astean Felipe Borboikoak adierazi zuen duela bost mendeko konkistarekin Nafarroak \u00abbetiko norabide hispaniarra\u00bb berreskuratu ahal izan zuela. Alabaina, esparru ofizialetan ia oharkabean igaroko da mendeurrena, eta, horregatik, Floren Aoiz historialariari bereziki deigarria egin zaio. Ospakizun arranditsuetan dirua xahutzea orain gaizki ikusia badago ere, haren ustez, aditzera ematen du \u00abzein deseroso\u00bb bihurtu zaion konkistaren auzia nabarrismoari: \u00abIzugarrizko data garrantzitsua da eurentzat Nafarroak norabide hispainiarra berreskuratu zuelako. Asko lukete ospatzeko, eta nola gainera… Bada, ez dute ezer ospatzeko asmorik\u00bb. <\/p>\n I\u00f1aki Petxarroman BERRIAko zuzendariordeak gidatutako mahai inguruan, Nafarroako konkistaren inguruan solastu dira Mikel Soto Txalaparta argitaletxeko editorea eta Floren Aoiz. Aoizek bereizi egin nahi izan ditu gertaera historikoen gaineko bi esparru: bata, historiaren ikerketaren eta analisiaren eremua; eta bestea, lehia ideologikoarena. Historiaren ikerketari dagokionez, gaur egungo historiografiak argi uzten du 1512an hasitako prozesua \u00abkonkista bat\u00bb izan zela: \u00abGaur egun, oso zaila da defenditzea hura ez zela konkista\u00bb.<\/p>\n Lehia ideologikoari dagokionez, Nafarroako politikan konkistaren auziak garrantzi berezia du, hein handi batean egungo nabarrismoaren eraikuntza ideologikoaren oinarria delako 1512ko gertaera hura. Aoizen ustez, gaur egun konkista izan zela onartuta ahuldade politikoa erakusten du nabarrismoak. \u00abMiguel Sanzek onartu zuen konkista bat zela, ados, baina konkista hura onuragarria izan zela Nafarroarentzat. Espainia erreskatatzen ari dira. Benetan konkista hain onuragarria izan zen?\u00bb. <\/p>\n Sotok interesgarritzat jo du interpretazio hori, eta \u00aboso inportantea\u00bb deritzo UPNren inguruko sektoreen deserosotasun horri \u00abahal den baliabide guztiekin\u00bb aurre egitea. Dena den, era berean, iragana ezagutzeko historia garrantzitsua dela azpimarratu arren, iritzi dio arriskutsua dela posizio politikoak finkatzeko historia erabiltzea. \u00abNik nahiago dut oraina erabiltzea, iragana baino\u00bb, adierazi du. \u00abKontu handiz erabili behar da, historia motibazio iturri delako eta arrazoi ematen dielako motibazio politiko guztiei. Neurtzen jakin behar da\u00bb, zehaztu du.<\/p>\n Alde horretatik, \u00abmodu zirikitzailean\u00bb Txalapartako editoreak konkistaren mendeurrenaren inguruan sortzen ari den mugimenduaren gaineko artikulu kritikoa argitaratu du berriki. Haren ikuspuntutik, ikuspuntu historizista horrek muga erakutsi du Nafarroako eremu batzuetan abertzaletasuna hedatzeko orduan. Era berean, iruditu zaio ez dela onargarria ikuspuntu historizistaren inguruan jarrera kritikoa duten ezkerreko sektore abertzaleen aurka presio talde batzuek erakutsitako jarrera.<\/p>\n Aoizek argi du lehia ideologikoan ez duela energiarik xahutu nahi \u00abetxean\u00bb izan daitezkeen eztabaida korapilatsuekin. Dena den, kontzeptualki \u00abmatxinatu\u00bb egiten da zenbaitek Nafarroa \u00abEuskal Herriaren ondare historikoaren biltegi\u00bb bihurtu nahi dutenean. \u00abNafarroak ez dio Euskal Herriari iragan handi bat ematen. Afera da etorkizunari begirako perspektiba izatea, iragana aintzat hartuta\u00bb.<\/p>\n Mahai inguruaren bideoa hemen ikusgai<\/p>\n\u00abNabarrismoa deseroso dago\u00bb<\/h4>\n<\/header>\n