<\/p>\n
I\u00f1aki Petxarroman<\/strong><\/p>\n Berria<\/a><\/p>\n Espainiako Ingurumen Ministerioak kargu hartu dio berriro ere Pasaiako Portu Agintaritzari. Kanpoko portuak bueltarik gabeko kaltea eragingo luke babestu beharreko naturgune batean. Ekonomikoki ere, ez du heldulekurik proiektuak. Ministerioak Ingurumen Azterketaren Erreferentziazko Agirian esandakoak berretsi ditu, baina zorroztasun handiagoz. Eta beste portu batera abiatzeko ohartarazi dio portu agintaritzari. Berandu baino lehen. Ministerioak dioena bat dator Greenpeacek eta Jaizkibel Bizirik-ek diotenarekin. Baina Ingurumen Ministerioa ez da erakunde ekologista bat, baizik eta azken erabakia hartuko duen erakundea: kanpoko portua egin daitekeen edo ez erabakiko duena.<\/p>\n Horregatik, ulertzen zailak dira Gipuzkoako ahaldun nagusiak eta portu agintaritzako lehendakariak atzo egindako adierazpenak: ezer ez dela aldatu eta kanpoko portuaren proiektua inoiz baino indartsuago dagoela. Ingurumen arrazoia benetan erabakigarria bada \u2014hori zalantzan jar daiteke\u2014, hobe dute beste portu batera abiatzea.<\/p>\n Garikoitz Goikoetxea<\/strong><\/p>\n Berria<\/a><\/p>\n Pasaiako kanpoko kaiaren harira Espainiako Ingurumen Ministerioak egindako txostena aintzat hartuko dutela esan du presidenteak<\/strong><\/p>\n Proiektuaren alde erakundeek sinatu zuten akordioa goraipatu du agintaritzako buruak<\/em><\/p>\n Ingurumen baimen guztiak eskuratzea ezinbesteko dutela onartu du Pasaiako Portu Agintaritzako presidente Lucio Hernandok. Horiek lortu ezik ezingo dutela eraiki kanpoko portua. \u00abBistan da: hemen ez dago iruzurrik, eta, ingurumen aldetikako oztopoak ez baditugu gainditzen, ezingo da ezer ere egin\u00bb. Proiektuari jarritako alegazioak aintzat hartuko dituztela iragarri du, eta horiek betez egingo dutela txosten bat.<\/p>\n Ez da gutxiagorako izan Espainiako Gobernuak agintaritzari belarritik egin dion tiradizoa. Ingurumen Ministerioak alegazioak jarri dizkio kanpoko portuaren proiektuari, eta auzitan jarri du. Ingurumenari kalte \u00abezin itzulizkoak\u00bb egingo lizkioke, eta ekonomiaren aldetik \u00abjasanezina\u00bb litzateke. Bi esaldirekin jarri du ezbaian proiektua ministerioak. Eta haren hitzak badu balioa. Oraindik ez da horretarako garaia heldu, baina, paper guztiak amaitzen dituztenean, Espainiako Ingurumen Ministerioak izango du azken hitza: hark emango dio ameto eraikuntzari, edo botako ditu atzera egitasmo guztiak.<\/p>\n Alegazioan adierazi dietena kontuan izango dutela esanda erantzun du portuaren arduradunak. Karguan bi aste ere egiterako harrapatu du albistearen zurrunbiloak. Txostenaren berri atzo eman zuen El Pa\u00eds<\/em> kazetak, baina, jakin, lehenagotik bazekien txostenaren berri Pasaiako Portu Agintaritzak. Madrilek abenduan aurkeztu zituen alegazioak. Ez hark bakarrik: Eusko Jaurlaritzak eta talde ekologistek ere ikusi dizkiote eragozpenak Jaizkibel mendiaren magalean egin asmo duten proiektuari.<\/p>\n Egunkari berberak zabaldu du Jaurlaritzak ere egin duela egitasmoaren kontra. Kanpoko portua inguru \u00abgiltzarri\u00bb batean dagoela azaldu du, eta, eraikitzekotan, zuritu behar dela hori: osasunari edo segurtasunari lotutako arrazoiak soilik onar daitezke.<\/p>\n Alegazio guztiak hartu, eta ingurumen eraginei buruzko beste txosten bat egin beharko du orain Pasaiako Portu Agintaritzak. Hernandok jakinarazi du urte bukaerarako amaituko dutela hori.<\/p>\n Erakundeen adostasunean<\/strong><\/p>\n Puntu deigarria badu Ingurumen Ministerioaren alegazioak. Alegazioan dio proiektua ekonomikoki \u00abjasanezina\u00bb dela eta ingurumenari kalte \u00abezin itzulizkoak\u00bb ekarriko lizkiokeela. Espainiako Gobernuak berak, ordea, orain hiru aste, akordio bat sinatu zuen kanpoko kaia egiteko. \u00abEzin itzulizko\u00bb protokoloa egin zuten, orduan esan zutenez. Argazkian ageri ziren Espainiako Sustapen Ministerioa, Eusko Jaurlaritza, Gipuzkoako Diputazioa eta Pasaiako Portu Agintaritza. <\/p>\n Erakunde horien arteko adostasuna hartu du ahotan Hernandok, proiektuaren alde egiteko. Nabarmendu du elkarlanean jardutea erabaki zutela erakundeek, portu berriaren mesedetan.<\/p>\n Adierazpenen tonua aldatuta, atzo arratsean ohar bat kaleratu zuen Pasaiako Portu Agintaritzak. Hernandori berari egotzita hitzak, argitu zuen \u00abbeste alegazio bat soilik\u00bb dela ministerioarena, eta oharra egin zuen: \u00abErabatekoa izan behar du Pasaiaren biziberritzeak, edo bestela ez da izango\u00bb. Hala ere, berriro goraipatu zuen erakundeen arteko ituna.<\/p>\n Akordio horri heldu dio baita ere Markel Olanok, Gipuzkoako ahaldun nagusiak. Haren esanetan, osasuntsu dago egitasmoa, \u00abinoiz baino indartsuago\u00bb. Hilabete hasieran sinatutako ituna jarri du erakusgarri. \u00abErakundeek zedarritutako estrategiak baditu indarra eta fidagarritasuna\u00bb. Alegazioak gorabehera, proiektua bururaino eramango dutela ziur da Olano: \u00abBeharrezko ingurumen eskari guztiak gaindituko ditu proiektuak. Kanpoko portua erabat da bateragarria ingurumen baldintzak betetzearekin\u00bb.<\/p>\n Geratzeko eskariak<\/strong><\/p>\n Ingurumen Ministerioaren txosten aurkakoak hauspo eman die kanpoko kaiaren aurka daudenei. Alegazioak aurkeztuak ditu, adibidez, Greenpeacek. Txostenen ondorioa argia da, Pilar Marcos eledunaren arabera: \u00abBistan geratu da hirigintza espekulazioa dagoela oinarrian\u00bb. Agiriei heldu die Aralarrek ere. Rebeka Uberak esan du txostenak erabat jarri duela auzitan portua: \u00abAgeri diren hitzak nahiko argiak dira eraikuntza atzera bota dezaten\u00bb.<\/p>\n Kontua aukeratzea dela diote: \u00abIngurumenaren alde egin, edo portuaren alde\u00bb, esan du Uberak. Hala uste du Greenpeacek ere: \u00abJaizkibel inguruko gune babestua suntsitzeko saioa utzi behar dute\u00bb. LAB sindikatuak gaineratu du \u00abbideragaitza\u00bb izan dela beti proiektua, eta hori berretsi duela Espainiako Gobernuak. Areago, gastatu beharreko dirutzan jarri du begia sindikatuak. 750 milioi eurokoa da aurrekontua. \u00abGure etorkizuna hipotekatuko luke\u00bb. Hamaikabatek eskatu du betetzeko ingurumen baldintzak, hartara portua eraiki ahal izateko.<\/p>\n Aralarrek galdera egingo dio Patxi Lopez Eusko Jaurlaritzako lehendakariari. Babestutako ingurua dela nabarmendu baitu ministerioak, alderdiak galdetuko dio ba al duen asmorik neurriak hartzeko. Jaurlaritzaren eskumeneko dira horrelako inguruak.<\/p>\n \u00a0<\/p>\n I\u00f1aki Petxarroman<\/strong><\/p>\n Berria<\/a><\/p>\n Iaz Pasaiako Portuak egin zuen Ingurumen Iraunkortasunerako Txostenaren ostean, azken erabakia falta da: Ingurumen Memoriaren Txostena.<\/em><\/p>\n Hiru geltoki nagusi ditu Pasaiako kanpoko portuaren proiektuak ingurumen trabak gaindituko dituen edo ez jakiteko. Lehen geltokia Ingurumen Azterketaren Erreferentziazko Agiria da, eta 2009ko urrian ezagutarazi zuen Espainiako Ingurumen Ministerioak (MARM). <\/p>\n Hartan, kanpoko portua ez ezik beste aukerak ere kontuan hartzeko eskatu zion Ingurumen Ministerioak Pasaiako Portu Agintaritzari, kanpoko portuaren proiektuak \u00abingurumen eragin larria\u00bb lukeelako Jaizkibelgo itsaslabarrean.<\/p>\n Ingurumen Azterketaren Erreferentziazko Agiria eskuan hartuta, hurrengo urratsa egitea portu agintaritzari zegokion. Hala, Ingurumen Iraunkortasunerako Txostena egin zuen iaz. Txosten hartan, portu agintaritzak aitortu zuen kanpoko kaia egiteak \u00aberagin kritiko eta bueltarik gabe\u00bb batzuk eragingo lituzkeela Jaizkibelen, baina neurri zuzentzaileak hartuta eragin orokorra \u00ablarria\u00bb litzatekeela. <\/p>\n Hain zuzen ere, Ingurumen Iraunkortasunerako Txostenari jarritako 1.012 alegazioetako bat da MARMek egindakoa. Garrantzi handia du, ordea. Izan ere, ministerio horri dagokio azken hitza ematea. Alegia, ingurumen arrazoia aztertuta kanpoko portua egin ahal izango den edo ez erabakitzea.<\/p>\n Ingurumen Iraunkortasunerako Txostenari jarritako alegazioak aztertuta egingo dute Ingurumen Ministerioak eta portu agintaritzak Ingurumen Memoriaren Txostena. Hori da azken tramitea. Txosten horretan erabakiko du Ingurumen Ministerioak portua egin daitekeen edo ez.<\/p>\nBeste portu batera<\/h3>\n
\u00abIngurumen trabak\u00bb gainditzea derrigorra dela dio Hernandok<\/h4>\n
Ingurumen memoriaren zain<\/h3>\n
<\/h3>\n