<\/p>\n
EUSKARAREN Egunean zer edo zer esan beste erremediorik ez omen, eta horratx L\u00f3pez lehendakariaren adierazpenetik zenbait pasarte.<\/p>\n
Hasteko, \u00abEuskaldunak munduan mundutar gara\u00bb, diosku lehendakariak. Lasai egon gintezke beraz; ez gara extralurtar edo pikondotikeroritar, mundutar baizik, hau da poza eta lasaitua!<\/p>\n
Jarraian, Bernat Etxepareren enegarren zita: \u00abZeren baskoak baitira abil, animos eta jentil, eta hetan izan baita zienzia guzietan letratu handirik, miraz nago, nola batere ezten saiatu bere lengoaje propriaren faboretan heuskaraz zerbait obra egitera eta eskributan emaitera\u2026 Eta kausa honegatik gelditzen da abataturik, ezein reputazione bage, eta berze nazione orok uste dute ezin deus ere eskriba daiteiela lengoaje hartan\u2026\u00bb<\/p>\n
Eta miraz gaude gu ere, lehendakari hau nola batere ez den saiatu euskararen faboretan, euskara ikasten eta mintzatzen eta eskributan emaiten. Bere utzikeriaren erruz ere, gelditzen baita abaildurik, ezein reputazionerik gabe, eta bertze nazionetako ordezkari orok uste baitezakete ezin eskriba daitekeela euskaraz, bera baita EAEko euskal herritarren lehendakaria (euskaldun askorena barne).<\/p>\n
Ondotik diosku euskara mundu zabalean dabilela, Unibertsitatean eta hedabideetan ere, \u00abezintasun\u00bb asko eta asko apurtu direla\u2026, baina, hara non, lehendakariaren beraren ezintasuna ez. Euskararen hedatze masibo horrek ez du lehendakaria harrapatu, ezta bere gobernuko kontseilari gehienak ere.<\/p>\n
\u00abEuskara guztien aukera da\u00bb, dio eskuzabal. Ez da egia, baina. A ereduko ikaslearentzako ez da aukera. Lanbide Heziketan urriak dira euskaraz ikasteko aukerak. Unibertsitatean ez dira oraindik osatu. Lan munduan (hasta)penetan gaude. Jaurlaritzan bertan ametsa da oraindik euskaraz lan egiteko aukera gehienentzat, lehendakariarekin eta gobernukide gehienekin euskaraz aritzea bezalaxe.<\/p>\n
\u00abInork ez du jabetzarik\u00bb idatzi du, baina ez da zuzena, lehendakari jauna, euskaldunona baita euskara. Ez erdaldun elebakarrena ordea. Euskaraz mintzatu, entzun, idatzi eta irakurri nahi duten guztiena da euskara, ez beste inorena. Eta ondotik: \u00abHiritarren askatasun eta borondatean nahi dugu oinarritu etorkizuna\u00bb\u2026 Baina, horrela bada, non gelditu da euskaldunon hizkuntza askatasuna? Ez dugu guk ikusten lehendakariari eta gobernukide gehienei euskaldunon hizkuntza askatasunak kezka handirik eragiten dienik. Izan ere, euskaldunon aukera urriak murriztea dirudi gobernu honen zeregin behinenetakoa. Zer egin duzue Ertzaintzan, Osakidetzan, arlo publikoan oro har orain arte? Zer eredu xelebre saldu nahi diguzue Hezkuntzan ere?<\/p>\n
Aurrerago, \u00abJaurlaritzak ez ditu euskaltzaleak bazterrean utziko: laguntza eta babesa izango dute\u00bb\u2026 Eskerrik asko euskaltzaleok \u00abbazterrean ez uzteagatik\u00bb. Hala ere, atrebentzia ez bada, eskari xume bat luzatu nahi genizuke: posible litzateke erdaldunek dituzuen hizkuntza eskubideak aplikatzea euskaldunoi ere?<\/p>\n
Edota, \u00abAdministrazioari dagokigu hiztunei bideak erraztea, munduan zabal dadin bitartekoak jartzea\u2026 Aniztasuna da gure elkarbizitzaren oinarri. Hizkuntzen arteko harremanak ezin dira arazo bihurtu, haatik, aberasgarri behar dute izan\u00bb. Hamaika irakurtzeko jaio gara\u2026 Bestalde, uste genuen hiztunen arteko harremanek zeukatela garrantzia, eta ez horrenbeste hizkuntzen artekoek. \u00abGaur (euskarak) eremu digitala irabaztea nahi genuke\u2026\u00bb Eta nola? Aurrez aurreko bizimoduan ahularaziz eta baztertuz? Ez dirudi biderik egokiena ba.<\/p>\n
Despedidarako Lizardi aipatu du lehendakariak: \u00abBaina nik, hizkun-tza larrekoa, nahi haunat ere noranahikoa\u2026\u00bb Itzela! Euskara larrekoa dugu beraz, baserrikoa, borda usainekoa ez besterik. Kalerako, ikasteko, eta lanerako, hitz batean, noranahiko izan dadin lanean ari omen da gobernu hau. Halakoak irakurri beharra ere\u2026<\/p>\n
Gauzak horrela, ez digu konfian-tza handiegirik ematen Legebiltzarrak, aho batez, \u00abeuskara eta elebitasuna sendotzeko xedearekin neurri malguak eta politika egokiak bultzatzeko konpromisoa\u00bb hartu izanak.<\/p>\n
Benetan uste dute egungo oposizioko alderdiek, Gobernua sustengatzen duten PP, UPyD eta PSE euskararen aldeko politika egokiak bultzatzen ari direla?<\/p>\n
Aplikatzen hasita dauden neurri murriztaileei \u00abmalgutasuna\u00bb dei dakieke? Ala eskubideen urraketa?<\/p>\n
\u00a0<\/p>\n
A.Esteban, M. Osoro, Z. Nikolas, M. Rezola, N. Mosteiro, G. Luzuriaga eta J.J. Agirre, * Administrazio publikoko langileak<\/p>\n
<\/p>\n
EUSKARAREN Egunean zer edo zer esan beste erremediorik ez omen, eta horratx L\u00f3pez lehendakariaren adierazpenetik zenbait pasarte. Hasteko, \u00abEuskaldunak munduan mundutar gara\u00bb, diosku lehendakariak. Lasai egon gintezke beraz; ez gara extralurtar edo pikondotikeroritar, mundutar baizik, hau da poza eta lasaitua! Jarraian, Bernat Etxepareren enegarren zita: \u00abZeren baskoak baitira abil, animos eta jentil, eta hetan izan […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[79],"tags":[],"class_list":["post-23753","post","type-post","status-publish","format-standard","hentry","category-nabarmena"],"yoast_head":"\n