Berriz haste balitz, pentsu dut Benedikto XVI Aita Sainduak ez lezakeela errepika Bizantzioko enperadore batek Erdi Aroan Mahoma profetaz, edo bederen haren mezuaren balioaz erran zuen gaizkia: baieziz eta erlisioari ez ziola deus onik ekarri. Holako gaitzespena ezin zen gaizkiago etorri, musulmanen munduak eta gure sartaldeak hain guti elkar ulertzen eta konprenitzen duten une honetan: olioa suari gehitzea zen, zaurietara isuri behar litzatekeelarik, pixka bat eztitzeko.
Mendebalde kristauak, hobeki erranez paganoak ene ustean, islama estimu gutitan daduka, osoki gorrotatzen ez duelarik. Estatu Batuetako lehendakariak zibilizazio eta kulturen arteko gerla aipu du, baita egiten. Europa zaharrean ez gaude horrekin bat, musulmanak pixka bat ezagutzen ditugulako. Historiaz eta geografiaz hurbilago ditugu naski, gutartean ere baditugu, beraz ez zaigu egoki auzoekin eta auzokoekin gaizki egotea, are gutiago horien aurka guduan sartzea.
Halere nire gustuko, gehiegi nahasten ditugu islama eta islamismoa, eta gehiegi bortizkeriari lotzen. Iraganaz oroitu behar genuke, zeren historia ikertuz, ikus geniro denbora batez kristau munduak baino espiritu zabalagoa zuela musulmanenak, jasankorragoa zela hau, une eta gune jakin batzuetan bederen.
Adibidez, Europa kristaua (orduan hala baitzen) kurutzada sainduetan sartu zelarik hain zitalki, hiru komunitate monoteistak bakean bizi ziren, ez bazen arras elkarrekin, elkarren alboan eta ondoan behintzat, bereziki Andaluzian, baina ez han bakarrik. Granada maiz aipatzen zaigu eredutzat, arrazoi osoz. Haatik zenbatek dakite ber egoera bikaina bizi zutela gure arbaso batzuek Tutera aldean, bereziki “moroen” agintepean, aginte horrek lau mendez irauten zuelarik?
Gainera nor ote ziren “moro” sonatu horiek? Gutiz gehienak tokiko jendeak ziren, Erriberako baskoiak, Banu Qasi familia indartsuaren etsenplura VIII. mendean erlisio etorri berria onartu eta beretu zutenak, Jainkoa beti ber Jainkoa delakoan. Gauza jakina da Iruñeko lehen erregea, Iñigo Arista, beren askazia, gailentzen eta irauten lagundu zutela, haatik berak horren erreinu kristauetik bazter egonez. Horrela Tuterako eskualdea ez zegoen Antso Handiaren mende. Zaragozatik landa, 1119an beretuko du Alfontso Borrokalariak.
Lau mendez Ebroko ibarra gobernatu ondoren, hor jagoiti gutiengoan gertatuko dira, kristau erregeen menpeko. Baina hiru komunitateen arteko bake egoera ez da hainbat aldatuko. Alfontso Borrokalariak “Moroen Forua” musulmanei izkirioz emanen die, eta horren ondoko erregeek Foru horrez babestuko dituzte halaber. Haatik musulmanek Tuterako hiri barnea utzi beharko dute, Queiles errekako beste bazterrean jartzeko. Haien eskualdea gaurko geografian ez dut ikusten, agian Tuterako hiria ez dudalako asko ezagutzen. Juduena bederen nabaria zait, ongi berritua eta markatua baitago erdigunean, hau guztia bezala.
Artetik erran behar dut Maulerekin birazkatua dela Tutera, eta hor bizi dela zuberotar baita behe nafar jatorri zaharreko familia mordoa.
Dena dela, musulmanak Tuteran bizi dira, dirudienez lasai, beren artean ongi eratuak, “Alfaqui” baten inguruan. Honen ardura pean daude koran ikastegiak eta mezkitak, auzitegi batzuk, erregearekiko harremanak, eta notario kargua. Erregearen manuak eta mezuak bere erlisiokoei helarazten dizkie, haien eskakizun eta galdeak erregeari helarazten dizkio. Musulmanak ere Tuterako hiritarrak dira bete-betean, egiazko nafarrak.
Horrez hona zer dion Paueko Unibertsitatean irakasle den Béatrice Leroy andereak bere liburu batean (1):
“Ce sont essentiellement des gens de Navarre, convertis à l’islam lorsque les Banu Qasim, maîtres de Saragosse et de Tudela, eux-mêmes des muwaladies dès l’origine- ont fait régner sur la vallée de l’Ebre la “paix de l’islam”. Ils gardent la religion de leur choix après 1121; ils n’en changent guère par la suite, puisque cet islam leur est officiellement reconnu sous la protection du roi de Navarre. (…) Ces musulmans possèdent presque tous des vignes, et rien ne dit qu’ils n’en boivent pas le vin. Comme leurs voisins des autres religions, ils sont monogames, et laissent une grande liberté d’expression et de décision à leurs femmes, qui semblent avoir une forte personnalité dans la vie du couple comme dans la vie du royaume. Souvent cette femme agit seule pour emprunter de l’argent, acheter ou vendre les produits domestiques ou les terrains ; (…) Le couple musulman est un couple navarrais comme un autre…”
“Les Maures de Navarre sont libres, aussi libres que les autres sujets du roi. Ils sont proprétaires fonciers dans et autour de Tudela et des localités voisines. (…) A Tudela, dans leur Moreria que longe le Queiles, ils sont occupés dans leurs forges et leurs moulins, remarquables savetiers, (…) et pardessus tous travailleurs du fer et du métal…
“Ouvriers du métal, ils sont spécialisés dans la façon des armes… très demandés par les rois sans cesse sur pied de dans sa guerre en Normandie; les Alpelmi eux-mêmes, suivis de l’essentiel des hommes de la Moreria de Tudela, dont le maître des arbalétriers Ahmed Ahudali, vont à pied, ou à cheval pour les privilégiés, dans les garnisons du Bassin parisien. Personne ne les y remarque; ce sont des Navarris comme les autres, ne portant ni habit particulier, ni type physique quelconque. Leurs femmes demeurent chez eux à Tudela; c’est à elles que le roi fait verser les soldes des enrôlés…
“La guerre, les chantiers sont des occasions pour les musulmans de Navarre de sortir de l’anonymat et certainement de la misère. Ils demeurent sur place, avec leurs champs et leurs troupeaux je moutons, et de façon générale personne ne les inquiète. El 1521, seulement, l’ordre de conversion des rois catholiques transforme les Maures en Morisques. La petite poignée qui reste en Navarre n’est pas expulsée en 1609 ; ce n’en est plus la peine.”
1512an Fernando Errege Katolikoaren konkistak Nafarroako tolerantzia hilen du, juduentzat bederen. Musulmanen kasuan, teoriara mugatuko da lege berria, praktika musulmanak bakean utziko dituzte, gutiengo eskasean gelditzen baitira, Béatrice Leroy andre irakasleak erraten duenez.
Bere aldetik Manex Goyheneche zenak Euskal Herriko Historia orokorrean hauxe idazten zuen (2):
“La cité des bords de l’Ebre fut conquise en 1118 par Alphonse le Batailleur. L’acte de capitulation qui eut lieu le 25 février 1119 ne chassa pas les musulmans de la ville, mais leur imposa de nouvelles conditions de vie et de résidence. Une charte sauve gardait les droits de religion, de propriété ou de justice:
“Les maures pourront rester dans leur maison pendant un an. Ce temps écoulé, ils devront s’en aller dans les quartiers extérieurs, et la grande mosquée restera entre leurs mains jusqu’ au départ. Ils conserveront les biens immeubles dans Tudela et paieront la dîme. Celui qui veut s’en aller en pays maure ou ailleurs, qu’il s’en aille quand il voudra. S’il y a un procès entre un chrétien ou un maure, ou bien le chrétien accordera à son adversaire maure le jugement du juge des maures, ou bien il se défendra devant le juge des chrétiens, chacun selon sa loi…
“Quand les maures se seront retirés dans les faubourgs, les chrétiens ne les empêcheront pas de circuler dans Tudela. Personne ne leur interdira le port des armes. ”
MUSULAMANAK EUSKARAZ ?
Tuterako musulmanen hizkuntzaz -edo hizkuntzez- ohar interesgarriak egin zituen Erlantz Urtasunek “Argia” astekarian, 2002ko otsailaren 17an, “Musulmanek ez al zekiten euskaraz” izenburuaren azpian. Arabieraz otoitz egiten zuten naski, musulman guziek bezala, Aljerian pixka bat ezagutu ditudan Kabiliarrak barne. Baina otoitzetik at, zelan mintzo ziren? Kristauek latinez errezatzen zuten, ene gaztaroan oraino meza latinez ematen zen, baina kanpoan euskaraz ari ginen. Juduek beren aldetik orazioneak hebrearrez egiten zituzten eta dituzte, baina gero besteak bezala mintzo dira. Pentsatzeko da Tuteran berdin egiten zutela batzuek eta besteek: nork bere tenploan edo etxean erlisioko gauzak bere liturgiako hizkuntzan, baina kalean eta karrikan, denek herriko mintzairean edo mintzairetan, hots erromantzez edo/eta euskaraz, itxura guzien arabera.
Tuteran eta inguruan zortzi mendez gora iraun zuen europar islam ireki horrek. Gainera Erriberako nafar musulman horiek gure arbasoetarik ziren. Euskal herritarrak ditugu, agian euskaldunak ere, dena dela euskal populuko partzuerrak. “Xehetasun” eta detaile horrek bere munta badu guretzat, eta ez eskasa.
(1) Béatrice LEROY, “Les musulmans et les juifs sujets du roi de Navarre”, in LA NAVARRE AU MOYEN AGE, Editions Albin Michel, 1984, 22 rue Huyghens, 75014 Paris. Chapitre V, PP. 103-108.
(2) Manex GOYHENETCHE, “Le cas de Tudela: juifs, chrétiens et musulmans”, in HISTOIRE GENERALE DU PAYS BASQUE, Tome I, PP. 327-329. Elkarlanean, 1998.
“Jinkoak nahi üken balü, züez eginen züan popülü bakoitx bat; bena berak emanari zoinen fidel zinatekeien esprabi nahi üken dü. Obra honetan algarri lehentzera lehia ziteie: denak Jinkoaren ganat ützüliko ziradee; ordüan berak argitüren dütü züen arteko aharrabideak.”
ALKORAN libürütik, V, 53.
“Si Dieu l’avait voulu, il aurait fait de vous un seul peuple; mais il a voulu éprouver votre fidélité à observer ce qu’il vous a donné. Cherchez à vous surpasser les uns les autres par les bonnes actions; vous retournerez tous à Dieu; il vous éclaircira lui-même l’objet de vos différents.”
LE CORAN, Sourate V, 53.
“Dios, si hubiera querido, habría hecho de vosotros una sola comunidad, pero quería probaros en lo que os dio. Rivalizad en buenas obras! Todos volveréis a Dios. Ya os informará él de aquello en que discrepabais.”
EL CORAN, Libro sexto, Sura V, 53.
